Тековни информации

Освен што редовното косење на тревата го подобрува визуелниот изглед на парковите и создава убава атмосфера за посетителите, косењето исто така го стимулира растот и регенерацијата. По косењето, тревата има можност за подобра апсорпција на сончевата светлина, што ја подобрува фотосинтезата и растителниот раст. Ова помага во одржување и проширување на тревната површина во паркот.

За поголема прегледност и безбедност во сообраќајот ги кастриме надвиснатите гранки на дрвјата долж ул. Васил Чекаларов, по издадено Решение од страна на Секторот за комунални работи на Град Скопје.

Во паркот Македонија, кој плени со шареноликиот колорит на цвеќињата во леите и цветните фигури, може да поминете прекрасни мигови на релаксација!

Оваа работна недела ја започнавме со косење на зеленилото на бул.Александар Македонски во Автокоманда. Теренските екипи со соодветна механизација го уредуваат зеленилото како на средната лента, така и од двете страни на булеварот, на излезот од Скопје. *

Салвија, импатијанс, тагетес, бегонија и агератум се цвеќињата со кои што нашите теренски екипи ги разубавеа цветните форми и леи низ градот.

Косењето на тревните површини е сѐ уште актуелна активност на екипите низ сите реони во градот.

Летните цвеќиња се тие кои неизбежно ќе ве пресретнат низ зеленилото во градот.

Денешното дружење го поминавме интересно и насмеано заедно со дечињата од градинката Монтесори - Изворче, по повод 1 јуни - меѓународниот ден на децата. Учевме за тоа како се садат цвеќиња, заеднички разубавајќи го зеленилото во кругот на градинката. Една од навиките кои треба да ја пренесеме на идните генерации е грижата за чиста и