ПРЕД
ПОТОА
Автор: unet
-
Садење цветен расад
Секојдневните активности на нашите екипи на одржување на зеленилото, забележително се насочени во предпролетно уредување на зелените површини.
Имено, деновиве нашите екипи вршат обновување со нов цветен сезонски расад од видот љубичица (lat.viola) онаму каде постоечкиот расад е оштетен.
Исто така, во производствените капацитети на Флораком Дооел цветниот расад од повеќе видови е во процес на припрема за да го разубавуваат градското зеленило во месеците кои следат.
-
Како да ги спасите свенатите саксиски растенија?
Собните растенија не само што даваат топлина во вашиот дом, туку и ја зголемуваат концентрацијата на кислород во просторијата.
За жал, понекогаш од необјасниви причини растението да почнува да венее. За тоа придонесуваат мали штетници, мушички, кои тешко можат да се видат со голо око.
За среќа постои еден едноставен трик кој овозможува брзо да се ослободите од мушичките во саксиите со цвеќе.
За негова резлизација потрeбни се само неколку обични чкорчиња!
Едноставно забодете ги со врвот во земјата на раздалеченост од 5 см од рабовите на саксијата и полејте го цвеќето.
После два дена, заменете со нови чкорчиња, а за уште два дена мушичките ќе исчезнат.
Од сега не мора да ги прскате собните растенија со инсектициди. Фосфорот и сулфурот кои се дел од составот на смесата на врвот на чкорчињата, продираат во земјата и постепено го ослободуваат растението од несакани гости.
За да ја спречите појавата на габи, користете бакарни монети. Ставете неколку монети во почвата околу растението и бакарот ќе ги уништи сите габични спори.
-
Како да ги ревитализирате собните растенија и да ги одржите живи во зима
Ова е тежок период од годината за вашите собни пријатели – растенијата, кога листовите почнуваат да стануваат жолти и тие едноставно изгледаат генерално несреќни.
Но, не се грижете! Имаме неколку совети кои ќе ви помогнат да им дадете среќен и зелен израз и да ги одржите растенијата живи во текот на зимата.
1. Намалете ја водата (а и ѓубривото)
Жолти лисја? Чудни бубачки што летаат околу саксиите? Мувлосана почва? Ова се симптоми на премногу наводнување во зима. Сите собни растенија бараат малку вода во зима. Пренаводнувањето е секогаш опасно, но во зима особено. Осигурајте се дека вашите саксии не се премногу влажни, а вашите растенија ќе ви се заблагодарат. Обидете се да ја намалите фреквенцијата на наводнување наполу и ставете им вода на растенијата само доколку изгледаат жедни. Исто така прекинете го и наѓубрувањето. Тоа не им е потребно сега.
2. Истуширајте ги растенијата
Тешко е да се поверува, но целата прашина што се акумулира на лисјата на растенијата ја спречува нивната способноста за фотосинтеза. На вашите растенија им е потребна сета светлина што може да ја добијат во овој период од годината, така што следниот пат кога ќе ги полевате, исплакнете го целото растение и внимателно поминете ги ливчињата со брисач, доколку е потребно. Совет: би можеле да ги ставите сите растенија во када и да пуштите туш, со нежен притисок!
3. Добро затворете ги прозорците
Многу растенија, особено тропските, се чувствителни на ладен воздух. Кога има провев тие ги отпуштаат лисјата! За да го решите овој проблем, осигурајте се дека вашите прозорци се цврсто затворени и изолирани, или дека вашите растенија се надвор од дофат на студен провев.
4. Осветлете ги просториите
Темно е. На вашите растенија им е потребно сонце. Доколку прозорците го попречуваат, обидете се да ги замените сијалиците со блескави свела во полн спектар. Или, ако сте вистински oпседнати со растенија, прилично лесно е да монтирате осветлувачки тела за поголема светлина.
5. За пресадување е рано, но можете да поткаструвате.
Знаете дека зимата не е време за пресадување на растенијата. Растот на корењата е бавен во овој период, а земјата во големите саксии останува влажна подолго време. Доколку пресадувате сега ризикувате гниење на коренот и преплавување. Но, не плашете се да ги отстраните лисјата кои станале жолти или кафени или некои продолжени израстоци. Веројатно нема да видите многу нови израстоци сè до пролет, но поткаструвањето , во меѓувреме, има за цел да направи нештата да изгледаат поубави.
Следете ги овие совети и вешите собни растенија секогаш ќе изгледаат свежи и напролет ќе бидат подготвени за здрав период на активен раст.
-
Интересни факти за хризантемите
Од сите свежи цвеќиња во светот, хризантемите се едни од омилените. Без разлика на приликата, хризантемите се идеален подарок било да вашата пратка е за некого посебен или за себе си, секогаш е интересно да научите повеќе за цвеќето кое го купувате и што е тоа што го прави толку посебно.
Името chrysanthemum доаѓа од грчките зборови chrysos, што значи злато и anthos што значи цвет. Постојат неколку видови на хризантеми и зависно од видот тие цветаат во различно време од годината. Најиздржливите видови се познати по нивните цветови и во текот на постудените месеци. Хризантемите се поврзани со оптимизам, богатство, пријателство и мир. Како и повеќето други цвеќиња, црвените симболизираат љубов. Повеќето бели цвеќиња се симбол за некој вид на чистота и хризантемите не се исклучок. Белите хризантеми симболизираат вистина.
Хризантемите се едни од светски најодгледуваните цвеќиња. Тие не се во фокусот на цветните аранжмани, но прават прекрасни раскошни бујни форми.
Она што многумина не го знаат е дека хризантемите се сметаат за тропски цвеќиња и се дел од најголемата фамилија на цветни растенија наречена asteraceae. Хризантемите се делат во девет различни категории и секој цвет е класифициран според начинот на кој се распределени нивните ливчиња. Кај некои цвеќиња ливчињата паѓаат надолу, а кај други растат нагоре. Ако подобро обратите внимание, ќе забележите дека секој цвет е како китка од мали цветчиња.
Хризантемите најпрво се одгледувале во Кина како лековити билки во 15 век п.н.е. До 1630 година биле забележани преку 500 одгледувачи. Во кинеската уметност познати како „Четворица Благородници“ се декоративни цреши, орхидеа, бамбус и хризантема. Многу се познати сликите нацртани со мастило или водени бои, а исто така хризантемите се тама на стотици кинески поеми. За прв пат биле донесени во Јапонија од будистичките свештеници VIIIвек п.н.е. Овие цвеќиња биле толку многу обожувани, што биле додадени на Империјалниот Грб. „Фестивалот на Среќата“ во Јапонија го прославува ова цвеќе, како и многубројните годишни саеми. Според фенг шуи, хризантемите претставуваат среќа и радост.
Чајот од хризантеми е многу познат пијалок во Азија заради неговите лековити својства и неговиот вкус. Исто така е лесен за подготовка. Едноставно треба да ги попарите цветчињата во топла вода 10 минути. Чајот од хризантема помага при покачена температура, болки во грлото, воспаленија, па дури и акни. Но како и за другите третмани треба секогаш да бидете свесни за разните несакани дејства како кожни иритации или лесни проблеми во стомакот.
