Parkovi i zelenilo

Категорија: Uncategorized

  • Моќта на “гушкањето дрвја” сега и научно докажанa!

    Според научниците, да прегрнеш дрво не е само начин да се покаже љубовта кон природата и дрвјата, туку вреди многу повеќе од тоа.

    Всушност, дрвјата можат да имаат позитивни здравствени ефекти на некои состојби како што се депресија, концентрација, стрес и некои други облици на ментални болести. Бројни студии покажуваат значаен психолошки и физиолошки напредок кај деца кога поминуваат време меѓу дрвја ирастенија. Истражувањата покажуваат дека децата функционираат подобро во зелени средини и дека опкруженост со природно зеленило ја буди креативноста и фантазијата. Кога гушкате дрво дури и главоболките престануваат.

    Вибрационите својства на дрвјата и растенијата се всушност тоа што влијае позитивно на нашето здравје, вели Метју Силверстоун во својата книга „Blinded By Science“. Експериментот покажува дека чаша вода која што емитува вибрација од 10Hz може да предизвика коагулација на крвта, односно да ја измени во истиот момент. Истото е и со дрвјата. Кога допирате дрво тоа има различни комбинации на вибрации од човекот кои позитивно влијаат на разни биолошки постапки во вашето тело.

  • Дрво -виножито?

    Дали постои живо виножито? Да! Крајно откачено, но сепак, природна обоеност под ведро небо можете да најдете под сенката на ова живо виножито. „Виножитниот Еукалиптус“, кој припаѓа на видот Eucalyptus deglupta,навистина е едно од најневеројатните чудесни дрвја и дефинитивно има најубава кора од било кое друго дрво на Земјата.

    Кората е мазна и како што полека старее, ги менува нијансите од светло зелени до темно зелени, потоа синкасти до виолетови, црвенкасти и розево-портокалови. На крај, бојата станува костенливо кафена токму пред да разлисти. Бидејќи овој процес истовремено се одвива во различни делови од стеблото и во различни периоди, боите се различни и се менуваат постојано. Како резултат на ова, дрвото никогаш нема да има иста шара два пати, така создавајќи жива уметност.

    Сонце и виножита. Ова дрво сака сонце, но природно не расте на места со изразено суви периоди. Кога е влажно, на пример после дожд, стеблото поприма сончеви бои.

    Со овие светли и уникатно обоени стебла и гранки, прекрасно и јасно привлечно, „Виножитниот Еукалиптус“ е уште еден гигант на природата кој ни покажува дека дрвјата постојат во сите форми, големини и бои.

  • 9 Најретки растенија во светот

    Кои се најзагрозените растенија?

    Растенијата, исто како и загрозените животни, се многу важни во екосистемот – и човечката егзистенција се потпира на тој екосистем.

    Еве девет од најзагрозените растенија денес. Според IUCN (Интернационото Здружение за Заштита на Природата) речиси сите се класифицирани во најкритично загрозените. Овие растенија живеат на најнедостапните, зафрлени и далечни места на нашата планета. Нив им се заканува уништување на животната средина, нелегално собирање, крадење и натпревар од напаѓачките видови.

    „Пичер“ растението е познато само во релативно недостапните врвови на Викторијанската Планина на Филипините. Се смета дека има само неколку стотици од нив. Пичер растенијaта се месојадни растенија кои ги ловат животните во сад исполнет со течност, наречен бокал. Ова растение е едно од најголемите, со бокали повисоки од 30см во кои можат да ловат инсекти и глувци.

    „Самоубиствената палма“ е џиновска палма пронајдена само во зафрлените делови на северно-западен Мадагаскар. Живее околу 50 години, потоа расцветува само еднаш и набрзо умира. Самоубиствената палма е откриена во 2005 година. Имаат огромни распламтени лисја поголеми од 5м, а стеблото им достигнува до 18м, палмите можат да се видат на Google Earth. Во дивината постојат само околу 90.

    Необична орхидеја целиот живот го поминува под земја. Дури и цвета под земја, доцна во Мај или рано во Јуни, произведувајќи повеќе од стотина кремасти до црвеникави цветови со силна миризба. Живее само во грмушестите подрачја на западна Австралија. Има недостаток на хлорофил и не може да црпи сончева енергија како повеќето растенија. Наместо тоа се храни од корењата на грмушките, заразувајќи ги печурките поврзани со нив. Се смета дека има помалку од 50 растенија.

    Пронајдено во планините на Кверетарио во Мексико, „Голфовско топче“ е мал белузлав кактус кој изгледа како топче за голф. Неговите прекрасни розеви цветови станаа познати помеѓу хортикултуристите и премногу диви кактуси се нелегално собрани. Како резултат на ова, нивниот број опадна за повеќе од 95% во последните 20 години.  

    Косестото Venda cycad е познато само во Лимпопо прозинцијата во Јужна Африка. За прв пат беше опишано како нов вид во 1996.

    Исто како и голфовското топче  е загрозено од луѓето кои нелегално го собираат за декоративни цели и неговиот број опадна. Непотврдени информации велат дека ова растение е веќе исчезнат вид.

    „Медуза“ се сметало за исчезнато, се додека не било повторно пронајдено во 1970. Неговото име веројатно го добило од плодовите, кои наликуваат на медуза кога ќе се отворат. Единствениот член на фамилијата Medusagynaceae, живее на Сејшелските Острови. Постојат само околу 86 израснати „медуза“дрвја во светот, а некои од нив повеќе не раѓаат.

    „Боцкавото дрво“ е екстремно бодликава грмушка пронајдена единствено на островот Анегада на Британските Девствени Острови. Овие острови се ниски па дрвјата можат да бидат поплавени од покаченото ниво на водата. Нивниот број не е познат, но познато е дека овие видови се на простор помал од 10 км. За да порасне шансата да преживеат, развиените дрвја се садат близу Ботаничката Градина во Тортола и во Кралската Ботаничка Градина во Англија.

    Малиот папрат личи на минијатурен магдонос. Пронајден е само на еден вулкански остров во Атлантскиот океан. Се сметало за исчезнато повеќе од 50 години, се до 2009 кога ботанички тим здогледал четири папрати. Тие растеле несигурно на еден нестабилен гребен свртен кон врвот на Ашесенскиот Остров, во непријатни и суви услови. За да ги спасат, истражувачите со недели ги негувале, одејќи до сртот со безбедносно јаже за да ги наводнат и да го отстранат плевелот. Кога растенијата почнале да произведуваат семе, тимот исекол мали делови од деловите кои произведувале семе и ги испратиле на размножуање во Кралската Ботаничка градина во Англија. Како и да е, папратите сеуште се многу ретки, со околу 40 зрели растенија во дивината.

    Коралното дрво, со своите светло црвени цветови и бодликаво стебло, живее само во далечните шуми на северно-источна Танзанија. Во 1998 се сметало за исчезнато, но било одново пронајдено во 2001 во еден мал дел од шумата. Како и да е, шумата била расчистена за да се зголеми производството на биогорива, а за видовите се стравувало дека се повторно исчезнати, сè додека не биле повторно пронајдени во 2011. Постојат помалку од 50 израснати дрвја во дивината на една единствена незаштитена локација.

  • Зелен календар

  • Флораком

    Флораком

    ФЛОРАКОМ ДООЕЛ својата работа и делување ја извршува во рамките на ЈП „Паркови и зеленило“. Во својата основна дејност се занимава со производство на садници од сите видови, перенски материјал, сезонски расад, саксиски и резан цвет. Производството првенствено е наменето за потребите на ЈП „Паркови и зеленило“ односно за потребите на градот Скопје, помал дел се користи за малопродажба и комерцијални услуги.

    Ги обавуваме следните дејности:

    • Производство и продажба на украсни зимзелени и листопадни дрвца, грмушки, садници за пошумување, како и перени за пејсажна архитектура.
    • Производство и продажба на саксиско, цветно и лисно декоративно цвеќе.
    • Производство и продажба на пролетен и летен расад – сезонско цвеќе.

    Во својата дејност ги вршиме следните услуги:

    • Аранжирање жардиниери, аранжмани, букети, разни садови и венци од свежо и суво цвеќе.
    • Вршиме хортикултурно уредување и одржување на зелени површини, спортско-рекреативни игралишта, паркови, приватни дворови…
    • Вршиме аранжирање и декорирање на настани, јавни настапи, конференции, самити, јубилеи, културни случувања и разни манифестации.
    • Божиќни, новогодишни, велгденски декорации.
    • Свадбени букети, комплетна декорација на свадбени веселби.
    • Вршиме фитопатолошка и ентомолошка заштита на растенијата.
    • Можат да се добијат стручни совети за нега и садење на растенијата, помагаме во изборот на материјалот, даваме препораки и сугестии за колорит, стил, квалитет и количина.

    Флораком ДООЕЛ поседува два расадника и оранжерии каде што култивира разновиден саден материјал. Својата работа ја реализира преку две работни единици и три одделенија:

    РАСАДНИЧКО ПРОИЗВОДСТВО

    • Расадник „Бутел“ тел: +389 2 3070 114
    • Расадник „Флораком“  тел: +389 2 2673 277
    • Одделение за планирање, проектирање и екстериерно уредување

    ЦВЕТНО ПРОИЗВОДСТВО

    • Одделение за производство на саксиско и резано цвеќе
    • Одделение за производство на расад, луковици и перени
    • Одделение за техничко – технолошка поддршка на производство (одржување)
    • Одделение за комерцијално работење и малопродажба
    • Одделение за производствен контролинг и евиденција
    • Одделение за  техничко – технолошка поддршка
  • Гази Баба

    Гази Баба

    Парк на природата „Гази Баба“

    Паркот на природата „Гази Баба“ претставува вештачки подигната шума која се наоѓа во средиштето на градската урбана зона. Зеленилото на овој локалитет е интегрален дел на градот, и е во функција на здравјето на луѓето, бидејќи има огромно хигиенско-санитарно значење како и естетска вредност и претставува атрактивен, интензивно пошумен простор со површина од 105ха. Со цел да се сочува шумата, секоја година се применуваат соодветни одгледувачко-мелиоративни мерки.

    Локалитетотот Гази Баба, како Парк на природата на градот Скопје, претставува релативно поголема површина обрасната со шумска рaстителност. Се наоѓа на источниот дел  на градската урбана средина, во близина на скопската населба Железара и лежи на просечна надморска височина од околу 300 метри.

    Шумата на локалитетот Гази Баба е со посебна вредност. Во средиштето на една урбана средина како што е градот Скопје ретко се среќава ваква голема површина под шума.

  • Водно

    Водно

    Парк-шумата „Водно“ како комплексен екосистем има посебно значење за градот Скопје преку остварувањето на својата еколошка и енвироментална функција. Санитарно-хигиенските функции на планината Водно за градот се однесуваат, на влијанието на микроклимата, значењето во прочистувањето на воздухот, позитивните ефекти за намалувањето на бучавата, заштитата од поројните дождови, одржувањето на водниот и температурниот режим. Посебно значајна е рекреативната улога на парк-шумата Водно, како и архитектонско-естетската вредност на истата.

    ВОДНО

    Планината Водно, во чиј состав се протега парк-шумата Водно, се наоѓа во централниот северен дел на Македонија. Планината од запад е ограничена со клисурата на реката Треска, додека југоисточната граница е дефинирана со басенот на Маркова Река.

    Парк-шумата Водно е најзначајниот зелен појас за Градот Скопје. Планината Водно со своите геолошки, геоморфолошки и биолошки вредности има посебно значење за неговите жители.

    Прогласена е за парк-шума во 1976 година, пренесена е под ингеренции на ЈП Паркови и зеленило во 1988 год.

    Се наоѓа на југозападниот дел на Скопската Котлина и се протега во правец исток-запад во дожина од 12km и ширина од 5.5km.

    Зафаќа вкупна површина од 4.573ha, природните шуми зафаќаат површина од 1410ha: деградирани ниски дабови  ниски шуми шикари и црн бор.

    Во рамките на пошумените делови на Водно, особено се значајни и атрактивни чистите насади на црн бор. Водно, коешто за разлика од минатото, сега претставува целосно зашумен дел, благодарение на специфичната геолошка подлога и клима, населено е со релативно богат растителен и животински свет.

    За богатото флористичко богатство зборува присуството на околу 900 видови, што претставува скоро 1/3 од вкупната флора на Република Македонија. Од фауната на Водно најбогата, но и најмалку проучена, е фауната на без’рбетниците. Од друга страна, фауната е богата со: скакулци, дневни пеперутки, тркачи, водоземци, влекачи, птици, цицачи. Додека пак од габи се регистрирани 143 видови (најзастапени макромицети).

    Вегетацијата започнува во месец април, а крајот на вегетацијата е во месецоктомври. Вегетациониот период трае околу 7 месеци. Апсолутен максимум  е забележан од 43 степени, додека апсолутно минимална температура на воздухот е забележана  со температура од –19,8 степени.

    Во парк-шумата Водно, однодно во Скопската Котлина преовладува умерено континентална клима. Летата се суви, долги и топли а пак зимите се умерено ладни со периоди на екстремни суви мразеви.

    Во парк–шумата се сретнуваат седум воопштени групи на екосистеми:

    1. Природни шумски екосистеми

    * Дабови шуми

    * Костенови шуми

    * Шикари

    1. Антропогени шуми

    * Мешани листопадни и четинарски шумски насади

    * Црноборови насади

    1. Отворени простори со смреки
    2. Суви тревести екосистеми
    3. Варовнички клифови
    4. Обработливи површини, лозја и овоштарници
    5. Населени места

    Парк-шумата Водно со зачуваните пејзажи претставува препознатлив амбиент којшто е доста посетен од граѓаните на Скопје како нивно најважно рекреативно подрачје како природна околина. Највисокиот врв на Водно – Крстoвар (1.067 m) со планинарскиот дом и новоизградениот милениумски крст, претставува видиковец и маркантно обележје на градот и за целата Скопската Котлина. На повисоките делови на Водно местимично се зачувани состоини од костен, даб, јасен и габер.

  • Креативноста продолжува!

    Уште една куќичка екипи на  ЈП „Паркови и зеленило“ деновиве изработија на трупецот на едно старо деградирано дрво. Во паркот во Чаир истото  го краси просторот и претставува вистинско интересно катче за минувачите и посетителите, особено за најмладите – дечињата.