Blog Left Bar

Денес со сезонска љубичица ги уредивме цветните леи на булевар Србија во општина Аеродром.

Кроење и оформување на крошните на дрвјата деновиве е главна активност на нашите екипи во кругот на Зоолошката градина. Во соработка со Противпожарната бригада на Град Скопје, нашите екипи вршат кастрење на повисоките гранки, со цел безбедно движење на сите жители и посетители на Зоолошката градина.

Градинарскиот котонеастер (cotoneaster) е новиот вид на нискостеблесто растение со кој го започнавме уредувањето на зеленилото на средната жардиниера на булеварот Никола Карев. Садењето ќе продолжи и наредните денови, каде ќе се дополни со други видови на нови садници.

Нови јавори на булевар Александар Македонски Новите јавори acer sp. целосно го дополнуваат дрворедот на страничното зеленило на булевар Александар Македонски. Во денешното садење на новите садници активно учествуваа директорот Сефи Шабани заедно со дел од раководниот тим на претпријатието со цел реализација на заложбите за повеќе зеленило на јавните површини во градот.

Декоративната brassica е новиот цветен расад со кој денес започнавме да ги уредуваме цветните леи на страничното зеленило на булевар Партизански одреди. Сезонскиот расад целосно се вклопи во уредување на цветната фигура Желка, како и во украсувањето на дел од останатите цветни површини на зеленилото на булевар Илинден.

Овие декемвриски денови екипите тековно вршат собирање на лисната маса низ сите зелени површини и паркови во градот. Денес оваа активност ја реализираме по должина на зеленилото на булевар Александар Македонски.