Активностите на уредување на зеленилото, периодов тековно се одвиваат низ површините во сите реони на градското зеленило.
Во денешното уредување на просторот во паркот Жена Борец увид направи директорот Јетон Буќи, заедно со дел од раководниот тим на претпријатието поздравувајќи ги теренските екипи и посакувајќи им успешна работа.
Новиот летен расад веќе ги краси дел од цветните леи и форми низ градот, а секојдневно се реализира косењето и останатите планирани активностите на одржување на јавните површини.
Нови моторни дувалки, тримери, машини за кроење, моторни пили големи, моторни пили мали и телескопски пили се дел од новата механизација на претпријатието. Новата опрема е предвидена со цел спроведување и реализирање на утврдената Програма за работа, како и поголема успешност и ефикасност во извршување на секојдневните работни задачи.
И денес косење на тревните површини останува главна активност на нашите теренски екипи реализирајќи го низ реонските делови на парковското и булеварско зеленило.
Екипите од сектор Подигнување зеленило тековно продолжуваат со уредување на новите зелени површини, од десната страна на кејот на Вардар, во општините Аеродром и Карпош.
На терен нашите екипи продолжуваат со собирање и чистење на лисја и хартија од тревните површини на локации во реоните Јане Сандански, Аеродром, Топанско поле, Карпош, Чаир, Бутел и Градскиот парк, а пак кроење на грмушки за денес екипите спроведоа долж зеленилото на булеварите Александар Македонски и АСНОМ како и во Рајскиот парк.
