Денес директорот Реџепи Зухејр заедно со градоначалникот на општина Сарај Блерим Беџети извршија увид на активностите за садење садници кај новоподигнатиот парк кој се наоѓа во близина на општината Сарај. Засадувајќи декоративни зимзелени садници од видот прунус и украсни грмушки од видот фотинија, тие се приклучија во досадувањето на нови садници за хортикултурно уредување на општината.
Воедно, тие го проследија и садењето на дрворедот од нови садници од видот ликвидамбар долж главната улица.
Новонасадените садници се дел од спроведувањето на активностите за стратешката цел, заложбата и грижата за здрава животна средина за зелен Сарај, за зелено Скопје.
