Blog Left Bar

Косењето и понатаму останува приоритетна и редовна активност на нашите екипи, кое денес го реализираа на дел од ширините на коритото на кеј на р.Вардар во реонот Центар. Ова се дел од редовните работни задачи согласно Годишната програма за подигање и одржување на зеленилото на подрачјето на Град Скопје.

Во летното украсување на градот со сезонски цветен расад ги уредивме и цветните површини низ општина Бутел. Теренските екипи изминативе денови со цвеќе од видот бегонија, каранфилче и агератум ги разубавеа цветните фигури и леи на булеварското зеленило кај кружниот тек во реон Бутел. Покрај активностите на садење цвеќе, се извршија и редовните активности за

Дел од денешните планирани активности е косењето на средишното зеленило на бул. Јане Сандански и Александар Македонски. Ова зеленило е со зголемен интензитет на одржување и редовното косење на тревата и одржување на вегатацијата е приоритетно, особено во овој период од годината.

Освен што редовното косење на тревата го подобрува визуелниот изглед на парковите и создава убава атмосфера за посетителите, косењето исто така го стимулира растот и регенерацијата. По косењето, тревата има можност за подобра апсорпција на сончевата светлина, што ја подобрува фотосинтезата и растителниот раст. Ова помага во одржување и проширување на тревната површина во паркот.

За поголема прегледност и безбедност во сообраќајот ги кастриме надвиснатите гранки на дрвјата долж ул. Васил Чекаларов, по издадено Решение од страна на Секторот за комунални работи на Град Скопје.

Во паркот Македонија, кој плени со шареноликиот колорит на цвеќињата во леите и цветните фигури, може да поминете прекрасни мигови на релаксација!